2019 yil obuna kampaniyasi ochilganligini ma'lum qilamiz

05.08.2018

Kompaniya kiosk sotuvchilari bilan yig’ilish o’tkazildi

31.07.2018

   2018 yilning 30 iyul kuni “Matbuot tarqatuvchi” aksiyadorlik kompaniyasi bosh direktori M.Aripov, AA va TTSNBDIning Toshkent shahar hududiy bo’linmasi katta inspektori S.Akbarov, aksiyador R.Kasimov, nashrlar chakana savdo katta uyushtiruvchilari L.Rustamova, va kiosk sotuvchilar bilan kompaniyaning majlislar zalida yig’ilish o’tkazildi.
   Yig’ilishni kompaniya Bosh direktori M.Aripov ochib berdi. Yig’ilishda bir nechta masalalar ko'rib chiqildi. Shu jumladan, “Matbuot” kiosklarida chakana savdo hajmini oshirish, kompaniya daromadlarini ko'paytirish hamda belgilangan tovaraylanma rejasini bajarilishini ta'minlash  kiosk sotuvchilariga bog’liqligini, chetdan davriy nashrlar olmasdan, kompaniyaga taqdim etiladigan buyurtmani ko'paytirish lozim ekanligi haqida aytib o'tildi. Bundan tashqari, “Matbuot” kiosklari sanitar holatlari talabga javob berish kerakligini, ijtimoiy siyosiy davriy nashrlarni belgilangan tartibda joylashtirishlarini, mijozlar bilan xushmuomala bo'lishlarini, kiosk sotuvchilari bo’sh vaqtlarida davriy nashrlarni o'qib chiqib,     qiziqarli maqollar chop etilgan davriy nashrlarni mijozlarga taklif etib, mijozlarni jalb qilishlari haqida tushuntirishlar berildi.
   Yig’ilishda so’zga chiqqanlar qatnashchilarni qiziqtirgan savollarga javob berdi.

Sifat menejmenti tizimi bo’yicha seminar o'tkazildi

27.07.2018

   2018 yil 24-26 iyul kunlari “Matbuot tarqatuvchi” aksiyadorlik kompaniyasi ISO 9001:2015 sifat menejmenti tizimining yangilangan versiyasidan foydalanish uchun kompaniyaning mutaxassislari uchun o'quv seminari bo’lib o’tdi.
   Uch kunlik o'quv kursi davomida seminar tinglovchilari ISO 9001:2015 sifat menejmenti tizimidagi yangiliklar, undagi o’zgarishlar, korxona faoliyatini tushunish, faoliyatdagi xavf-xatarni aniqlash, jarayonlarni takomillashtirish bilan tanishib chiqildi hamda amaliy darslarda misollar orqali qo’llanildi.
   Korxonalarda Xalqaro standart talablariga muvofiq sifat tizimlarining joriy etilishi raqobat muhitida korxonalar yutug’ining kafolati hisoblanadi va korxonalar tomonidan ishlab chiqarilayotgan mahsulotlar  va ko’rsatilayotgan xizmatlarning raqobatbardoshligini oshirishga va iste’molchilarni sifatli va ekologik xavfsiz mahsulotlar bilan ta’minlash imkonini beradi.
   Seminar so’ngida Kompaniya xodimlari belgilangan tartibda malaka oshirish bo’yicha guvohnomalarga ega bo’lishdi.